السلام عليكم ورحمة الله وبركاته

طبعا انا عملت الموضوع هذا لان حكم علي اني اعمله..

طيب المهم..


طبعا نشوف الاولاد الاجانب يحبون يروحون المدرسة اكثر من اولاد العرب ليش ياترى..!!

الاجانب لما يروحون المدرسة يلاقون هناك الي مستعد ان يفهمهم ويعلمهم..ويلاقوا وسائل التعلم كلها موجودة و كل حصة يطبقوا الي يدرسوه لذلك يكون عندهم حب للتعلم و تجربة الاشياء الجديدة..

اما عند العرب ياحسرة..في مدارس للحين وهم شغالين ع المراوح عشان تبرد الصف من وين بيجيبون المعدات والوسائل الاخرى للتعليم..!!
وبعض المدرسين واغلبهم يدخلون الصف وهم ماعندهم نية التدريس..بس يدخلون يقرأون الي بالكتاب و يطلعون..وطريقتهم بالتعامل مع الطاب مرة مهينة.!! يعني تخيلوا في وحدة بالصف عندنا بس تكلمت مع صديقتها وقالت تبغى قلم..يعني لو تشوفوا المس كيف بهدلتها وسبتها..انا انبهرت الصراحة لان المدرسة ما ادري ليش كذا يعني كانت ردة فعلها مرة قوية..في مدرس اجنبي يقول لطلابه يا ((جزم))..!!!..اترك التعقيب لكم.. يعني المدارس تسبب كابو مرعب لاغلب اطفال العرب و مراهقيها..ليش ما يكون عندنا احنا الطلاب العرب تطبيق لكل درس ناخذه ليش المناهج حقنا كلها حشو براس الطالب..!!
يعني يقعدوا يقولون لنا احفظوا وافهموا واعملوا وهم ما يسوون شي من وين الطالب بيجيب النية انه يذاكر..ولو قال بيشد ع حاله و بيذاكر وبيجيب علامة حلوة بالمدرسة تأهله انه يدخل يشغل بشغل هو يحلم فيه بيتذكر انه لما يكبر ما بيلاقي شغل ونهايته بتكون بتخصص هو ما يحبه ..فبسيب الدراسة و يعمل الي بعقله..
مثلا انا عن نفسي اكره المدرسة لانها ما تقوم بأي نشاط يخص الدروس الي ناخذها ..يعني افتحوا الكتاب اقروا اكتبوا ..احفظوه صم ها..وخلاص قفلنا الكتاب وكل وحدة راحت بيتها بدون لا تستفيد شي من ناحية التطبييييق..

لذلك اتمنى ان المدارس كلها تتحسن واتمنى من كل قلبي انهم يتبعوا اساليب الاجانب بالتعليم مش بس بتقليدهم بالاشياء التافهة..

وتحياااتي للجميع..
وعذرا ع القصور اذا وجد..

موضوع مفيد شكرا لك عزيييزتي