سلام
لبارح طيبت طاجين بسباس فالكوشة طبق يجى رائع وبنبن
المقادير:

دجاج
بسباس
2 حبات بصل
حميصة
3 حبات بيض
معدنوس
كريمة سائلة
ملح فلفل اسود قرفة زيت
التحظير:
فى طنجرة قليت لجاج مع لبصل ولزبيس حوالى 10 دقائق

اضافت لحميصة ومرقت بحوالى زوج كيسان ماء وحليتهم يطيبو وتجمر المرقة

غسلت لبسباس وقطعتو رقيق

اخذت بلا تاع فور ودهنتو بزيت وستفت لبسباس ولجاج وفرغت عليه المرقة

وغلقتو بالمنيوم ودخلتو للفور حتى يطيب لبسباس

كسرت لبيض فى صحن واضافت عليه شوية كريمة سائلة ومعدنوس ونفس لزبيس لدرتهم فالمرقة وخلطتهم

وفرغتو البيض فوق البسباس ودرت جمن مثلثات ولا معندكش ماشى شرط وعاودت دخلتو للفور يطيب ويحمار لونو

هاهوا جاهز

ويقدم مع ليمون

يسلمو حبيبتي على الوصفةة
واصلي تميزككك